Фейсбуктан башы чыкпаган Ташмат айлыгын алганы келсе, жарымын беришпейт. Таң калып:
-Ай, айлыгымын жарымы кана?
Анда шефи камырабай:
-Жарымын Марк Цукербергден сура.(Фейсбуктун создатели Марк Цукерберг)
Кыргызстанда көчөнү аябай тазалап, шыпырып жатышканын көргөн Ташмат Акматка:
-Акмат, эмне чет өлкөдөн бирөө келет бекен? Тазаланып калышыптыр…
Германияда жерде жаткан тамекинин калдыгын көргөн немис:
-Ай, бул эмне деген шумдук?! Кимдин ушинтип жерге таштаганга колу барды?
Чачтарачта кардар:
-Бу, сиздин итиңиз эмне эле мени суктанып карап жатат?
Чачтарач:
-Аа, кээ-кээде жерге кулак түшүп калган учурлар болуп калат. Сыягы даамдуу болсо керек. Ушинтип сагалайт да турат.
Турциядан келген меймандар Сакебизден сурайт дейт:
– Силерди ушуга чейин бозүйдө жашаган калк деп айтышчу эле. Бирок заңгыраган кабат үйлөрдү кантип кургансыңар? Силерди канча көчмөн эл деген менен шаарыңар укмуш экен го, татынакай театр, музейиңер турат, – десе Сакебиз:
– Бул шаарды биз курган эмеспиз. Жалаң орустардын мойнуна минип, ошолорго курдурганбыз, – дейт.
– Азыр алардын көпчүлүгү кетип атса, эми кимге курдурасыңар? – десе, Сакебиз:
– Эми түрктүн мойнуна минбей жаныбыз жокпу, – дептир.
-Доктор, сабиз жесе көздүн курчу калыбына келет деген чынбы?
-Албетте, мисалы сиз качандыр бир көз айнекчен коён көргөн учуруңуз болду беле?
