∗∗∗∗∗ANEKDOT.KG∗∗∗∗∗
Милиционер командирине абалды түшүндүрүп жатат:
– Бүгүн бир кызыктай буйрутма киши өлтүрүү катталды. Акыркы текшерүүчү ок башына эмес көчүгүнө атылыптыр.
– А кимди өлтүрүшүптүр?
– Жогорку Кеңештин депутатын.
-Ааа, анда түшүнүктүү… Акылдуу киллер экен. Азыркы учурда алардын керектүү органы кайда экенин билет экен…
∗∗∗∗∗ANEKDOT.KG∗∗∗∗∗
Ташмат Акматка:
-Акмат, ушу Ак үйдү боз үйдөн эле куруп, күндө ордун которуп, көчүрүп туруш керек экен деп ойлоп калдым.
-Эмнеге?
-Элестет, сен түнү менен митингге даярданып эрте менен келсең эле Ак үй жок! Сен издеп тапкыча күн кечтейт. Тиги 120 бекерпоз да үй чечип, кайра тигип иштеп турмак.
∗∗∗∗∗ANEKDOT.KG∗∗∗∗∗
Ташмат короосунда самогон кайнатып атып, суу алганы кудукка барып келгенче, эки милиция пайда болот:
-Ии, самогон кайнатып жатабызбы? Түшүнүк кат жаз!
-Эмне деп жазам?
-Болгонун болгондой жаз.
Ташмат ары-бери жаза салып, экөөсүнө карматат. Экөө окуп жатат: “Ушшшшундай карасам короодон түтүн чыгып жатат. Өрт чыккан го деп шашып, эки чакага суу көтөрүп келе калсам, эки милиция кызматкери самогон кайнатып жатыптыр.”
∗∗∗∗∗ANEKDOT.KG∗∗∗∗∗
– Кечирим сурайм, Айшакан айым, менин тоогум сиздин гүлзарды тебелеп салыптыр деп уктум.
– Кечирим суроонун зарылдыгы жок, Ташмат мырза, сиздин тоогуңузду менин дөбөтүм жеп салган.
– Анда эң эле сонун болуптур, Айшакан айым. Сиздин дөбөт менин машинемдин алдында калды.
