∗∗∗∗∗ANEKDOT.KG∗∗∗∗∗
Апенди аялы өлүп калып, бир эри өлгөн жесир аялга үйлөнөт. Анысы отурса-турса деле өлгөн эрин оозунан түшүрбөй эстеп алып ыйлап, эртели-кеч кошок кошуп заңкылдай берип, Апендини тажатыптыр. Мына эмесе деп, Апенди да бир күнү кошо өңгүрөп кирет. Аялы:
– Мен го мен! Өлгөн эриме ыйлап атам, а сенчи? – деп таң калат.
– Мен өзүмө ыйлабаймынбы! – дейт анда Апенди. – Эриң өлбөгөндө, сен жесир калбасаң, мен шордуу сени албайт элем.
∗∗∗∗∗ANEKDOT.KG∗∗∗∗∗
Апендини бирөө мейманга чакырып:
– Тамакка табитиң барбы? – деп сураса.
– Андан башка менде эмне болот? Болгон байлыгым эле ошол! – дептир Апенди.
∗∗∗∗∗ANEKDOT.KG∗∗∗∗∗
Апендиден бирөө кыска мөөнөт менен карыз акча бере тур дейт. Анда Апенди:
– Карыз акча бере албайм, ал эми мөөнөттү болсо каалашыңча ала бер, – деген экен.